話說上兩個星期六(24/10)....

"吓???又甩稿呀~~~" ^^無法啦,又要同你出街吖嘛,會一口氣陸續補番架喇^^

媽媽姐姐舊同事cecil姨姨果新男b出世,十二朝去食薑醋,因為唔記得帶相機所以要等遲啲攞到娜姨啲相先有得睇.

一場去到對面海時間離開時間又尚早,所以佢哋去咗方糖果吉之島幫我買咗兩件過冬衫,之後就去咗對面既m&m同我shopping...

(竟然有奇遇...)

唉,因為冇帶相機惟有用口述....

果日第一次去到有得shopping,我好興奮,每架走來走去,由於我身高既關係,有時我閃身匿埋係啲衫後面同媽媽姐姐玩伏匿匿,佢唔夠我快搵我唔到,比起係婆婆屋企玩,好玩好多.

 其間有個姨姨(媽媽姐姐以為人哋係姐姐,其實人哋係菲籍媽媽)帶住一個姐姐同一個金頭髮既哥哥嚟,姐姐好nice同我玩,佢話介紹咗呢個哥哥俾爸爸哥哥識,原來佢叫mat 17個月大.mat哥哥攞住m&m入面個公仔俾我,仲匿係個架後面突個頭出嚟,好funny架,我對住佢"卡卡笑",佢就走埋嚟我身邊,好近好近咁望住我,當我第一次走開,佢又走埋嚟0.1cm既距離望我,我張開雙手V形咁摸佢塊面,聽到爸爸哥哥叫我"呵,呵"咁我又摸摸哥哥.(俾起婆婆成日笑媽媽姐姐細細個果時,追住啲金頭髮哥哥叫"a,b,c",係唔係叻好多先!!!)

""媽媽姐姐簡一件""(吉之島戰利品)

""爸爸哥哥簡一件""(吉之島戰利品)

""爸爸哥哥簡""(m&m )

""媽媽姐姐簡""(m&m )

(但係爸爸哥哥要complaint,因為媽媽姐姐話要買大啲大啲,等我第時大個啲都有得著.依家就冇得型爆住)