文章分類: 媽媽姐姐有話講 (小波波班長 ~ 報到!!)

招財進"鼠"

a1908613 — Sun, 25 Oct 2009 02:10:37 +0800

話說近期我應該好好財運,因為差都多每晚都會有隻招財"鼠",

向我招財....

^^有冇留意到呀,其實都唔知話佢係"喵"定"鼠"好,因為佢一邊招財,一邊係到"L,L,L"咁叫,呵,呵,唔知係二千萬既六合彩吖,定係賽馬呢??^^

可憐的班班 -- 病病了!

a1908613 — Tue, 13 Oct 2009 01:25:13 +0800

星期日晚上,在嫲嫲,姑媽與BETTY姨姨走後,班班與媽媽姐姐早早就上床休息,他們在床上飲奶奶,關燈後還溫習了各種動作,班班終於說了很標準的"BYE BYE"及做了久為動作後就睡著了.媽媽姐姐也跟者休息.

但到十二點時,爸爸哥哥剛睡落床,班班咳了一聲就嘔了一小灘奶及透明液體,之後還嘔了兩次,不過,就很乖地拿開了奶咀.

嘔完後就哭哭鬧鬧地想睡又睡不著,不能入睡的様子,媽媽姐姐覺得班班很不妥,好像有少許發燒,雖然還是很輕微,但擔心再夜點會情況不能估計,所以只好叫爸爸哥哥換衣到婆婆家拿探熱針及退熱貼.而班班不肯獨自在床上,故媽媽姐姐一直抱著,不敢坐下,還跟他說說話,讓他安心一點.當然看見他那樣子,媽媽姐姐眼角已有點淚光.(給爸爸怪責說緊張過頭吧,擔心?!也有點的,但是心疼大過於所有吧)

大概在爸爸哥哥離家二十分鐘後,才坐在客廳SOFA等,過了十餘分鐘後,累極的媽媽姐姐見班班已稍為平復,故先回房間,一到床上,班班就已經回到床上.爸爸哥哥剛好回來.

見他可以睡著,故也爭取時間快點休息,以便照顧,其間也查看數次,情況可以.但到早上時就發覺有點微燒,拿了探熱針,小寶貝不肯就範,病也很有性格,貼了退熱貼在前額,還給一手撕掉,惟有放到後背想拿也拿不走.

之後....小寶貝就起身又走到地上出廳,還爬到SOFA上,跟爸爸哥哥說話,又弄掉媽媽姐姐的手機....

到診所前見到公公,婆婆落到車又走來走去,以為真的是媽媽姐姐忌人憂天之際(曾經想過他真的沒事,但又覺得一場來到,不如看了醫生後,拿點藥看門口吧),醫生說是有點風寒,故時有燒時沒有,到中午及傍晚也有點燒,食過藥,小寶貝也呼呼入睡.

希望小寶貝 -- 班長打敗小小病菌,增強抵抗力,健健康康!!

多謝你晚上及早上的超級頑強復元力,令媽媽姐姐可以鬆一口氣.加油啊!!有媽媽姐姐的支持及能量源源不停地為你輸送

去年今日

a1908613 — Fri, 12 Jun 2009 21:46:18 +0800

睇咗好多人既BLOG,係分享BB成長片段之剩,到這個時候都會講番

去年既今日,我都唔例外,講番幾句先,呢世女永世難忘....

話說好不情願地放前四後六,已經到第三個星期零五日喇,距離預產期二日

爸爸哥哥見我放咗咁耐,個肚又大又鈍,又時常落雨,

連想搵近近地做嘢既三姑同六(婆)嬏都唔敢,

仲要俾人地話如果你生得我都唔知點算,激死!!

所以係果日就特登請咗一日假陪我,個心諗,亞仔亞仔,你要出世就簡今日啦,爸爸係到...

將時間倒轉回2008年6月12日早上七點多.....................

(閱讀全文)

多謝幫我「影後」

a1908613 — Thu, 04 Jun 2009 16:03:10 +0800

話說之前在四月份時睇草蜢時,有個好好玩既人兄幫我影咗相,令覺得恍然大悟,原來我.....

^^真係需要減肥同埋剪頭髮喇,到依家我成日都要同為食的我講要抽起條食慾^^

爸爸幫我影多啲相!!!!

我的爬行比賽篇 -- 比賽實錄(看圖)!!!

a1908613 — Sat, 30 May 2009 22:28:53 +0800

看過比賽喇篇片段,等依家再補下爸爸哥哥影低我既第一次做一個總結啦

"呢個就係10:30AM時既會場喇,早知我係會第二線道既話,就當時叫爸爸哥哥係其他線道到,做下手腳喇"

(閱讀全文)

終於俾我搵到喇--- bb爬行比賽呀!!

a1908613 — Fri, 29 May 2009 14:15:21 +0800

^^係我死心不息之下,終於俾我搵到喇,8月8 號果時班班係13個月零廿五日,如果入到決賽^^

今次真係忘我,HIGH到跳起!!

a1908613 — Wed, 08 Apr 2009 02:08:17 +0800

^^睇唔睇到呀!!!好近呀,好近呀^^

(閱讀全文)

早睡早起

a1908613 — Mon, 09 Feb 2009 17:06:15 +0800

知道早睡早起對嬰兒及小朋友嚟講係好重要,呢個道理亦都係我哋由小到大唸書時也有提及的,不過,隨著社會越來越繁榮,越來越來姿多彩,早的定義是十點已盡了很大力量,九點的是已經很了不起,八點的根本不可能.

不過,偶然看回無綫的星期日檔案,根據資料原來充足的睡眠時間應該如下:

初生至一歲 14至18小時

一歲至三歲 12至14小時

三歲至十歲 10至12小時

十八歲後 8小時

(閱讀全文)

人反我又反

a1908613 — Mon, 09 Feb 2009 16:03:16 +0800

偷懶咗一排,係因為一來忙忙忙,二來係借人家的電腦唔知點解個card reader又出現問題,冇相upload上網,加上長大了的班長,表情豐富又動作多多,用DC拍不出神緒,一係就鬆鬆蒙,向爸爸哥哥反映過,不過為可馬上拍板就買咗部單反喇,不過,發現自己真的一曉不通,如果爸爸哥哥唔出手既話,咁就真係要封塵喇,爸爸哥哥鐘情呢隻牌子,雖然聽過一眾人士建議,知道nikon同canon都係入門初哥既大牌子,但係都買咗,唔緊要啦,反正都係學嘢啫,最緊要唔好封塵同關blog.

風和日麗,好天氣!!

a1908613 — Thu, 27 Nov 2008 23:54:28 +0800

難得星期日在家等茶聚,悠閒的上午,有什麼好得過共享天倫,可以欣賞淳鎬B每個表情,細看他學習每個動作,是歡喜,是欣慰

讓我們好好珍惜這段不可分割的關係,很高興你來了這個世上.

給予我這個寶貝每個衷心的祝福,祝你快高長大,身體健康,笑口常口,在成長的道路上不要怕跌倒,因為在你身邊不止我們兩個至親,還有很多親友的支持陪伴你過美好的每一天,!!多謝他們對你的愛護

我永遠也愛你,小班長!!

(閱讀全文)

百日宴 - 親戚篇

a1908613 — Tue, 23 Sep 2008 23:52:21 +0800

九月二十一日剛好星期日,遇正"溏心風暴之家好月圓"大結局的日子,也是晚上宴請各好有輩份的長輩們的日子,幸好大家都沒有異議,而該好棧就好像變成我們包場一樣,可惜,我小班長沒有把握好午睡,故在晚上公公把熟睡的我吵醒,我都好合作沒有大吵大鬧,只不過是笑容欠奉了,還請大家多多包涵,

首先,是我們一家三口

(閱讀全文)

新玩具進化版

a1908613 — Sun, 14 Sep 2008 23:53:11 +0800

還認得這個姑媽送給我的禮物嗎,由於我真在太過喜歡抓頭髮的關係,加上我淳鎬班長每日都很勸力食奶奶...隻腳腳生長得快咗,我將這個新玩具稍作改良

(閱讀全文)

我哋過完大海篇!!! - 心擊淳鎬班長

a1908613 — Wed, 13 Aug 2008 03:40:46 +0800

雖然我倆係今時今日帶唔到班長出外見識見識,但係見到有對班長好既嘢都會諗係佢架,今次就買咗呢樣嘢,雖然佢已經有好多,買咗係希望佢大啲可以用得到

^^就係呢間喇,爸爸哥哥一見到就話要入去買嘢俾班長喇^^

(閱讀全文)

我哋過完大海篇!!! - 做過啲乜?!

a1908613 — Wed, 13 Aug 2008 02:58:08 +0800

第一日 (天陰陰,落大雨)

之前都講過,一到步就落雨,打的去咗食書介紹地方

第一站 :氹仔區

第一餐 : 蟹糯米飯啦,南乳雞翼啦,魚腸蒸蛋啦,承惠二百幾(嘩好貴啊!!想叫佢回水架 )

第二餐 :過到對面見到間幾似樣食咗米糠蛋糕同蛋布甸,承惠九十幾(吓!?真係冇諗過短短一個鐘就用咗三百幾,四百喇)

之後想食豬扒包,但係發覺唔見咗間舖,唔知係執咗定係搬呢?

第二站 :澳門半島

根據雜誌既介紹去咗行$12任買日本用品,買咗個兩層飯盒可以入微波爐架(幾滿意)

跟住就徒步按地圖同途人既指示去搵食

第三餐 :禮記雪糕,食咗雪糕三文冶,雪糕紅豆冰,蜜瓜同花生雪糕,,承惠七十幾(唔,SO FAR SO GOOD)

又係徒步行咗大概二十多分鐘,時間不長,不過,落住雨真係好難行,終於找到目標舖頭

第四餐 :咖喱豬扒雞翼麵,咖喱魷魚麵,承惠七十多元(大家都覺得味道唔錯,不過話如果係係唔飽既情況食更佳,嘻,其實我仲想講話食多碗,得唔得添!)

之後,大家帶著疲倦身軀及濕立立既褲腳打的回到酒店(經過賭場時又賭咗一陣)

第五餐 :本來攞住四百蚊,想食BUFFERT,但係做"家好月圓",所以去FOOD COURT買外賣返去房到食,有湯啦,竹桶飯+油菜啦,意粉啦,墨魚九啦,薯條配炸魚柳啦,承惠二百幾

(閱讀全文)

我哋過完大海篇!!! - 賭咗得個乜?!

a1908613 — Wed, 13 Aug 2008 02:47:42 +0800

搭咗二個鐘船過咗個大海,參觀完間房後就到咗賭場見識下,呢個行程我哋要好克制先祗可以係第一日內入咗四次(每次個半至兩個鐘),有錢贏就閃,外面天陰有雨都打的去食食食....我冇事喎,只有七成飽(冇影到相啊,已經全腳同涼鞋濕透,點解個天咁鍾意我,俾機會我地早啲返酒店去賭餐飽呢)

賭場相?!嘻,有幾次提自己要拎相機,但係每次一見到個賭場對眼即刻自動搜索大/小枱,大家唔得閒拎

(閱讀全文)